ელექტროენერგიის აღრიცხვის წესები
ელექტროენერგიის აღრიცხვასთან დაკავშირებული საკითხები რეგულირდება საქართველოს ენერგეტიკისა და წყალმომარაგების მარეგულირებელი ეროვნული კომისიის მიერ, 2010 წლის 17 აპრილის N10 დადგენილებით დამტკიცებული „ქსელის წესებით“. ქსელის წესები არეგულირებს:
- ენერგეტიკული სექტორის მონაწილეთა ელექტროენერგიის აღრიცხვასთან დაკავშირებულ ვალდებულებებსა და პასუხისმგებლობებს;
- ელექტროენერგიის აღრიცხვის კვანძების მოწყობასთან, აღრიცხვის მონაცემების გამოსახვასთან, შეგროვებასთან, გადაცემასა და ფორმირებასთან დაკავშირებულ წესებს;
- აღრიცხვის მოწყობილობებისთვის განსაზღვრულ ტექნიკურ და საექსპლოატაციო მოთხოვნებს;
- აღრიცხვის მოწყობილობების სერტიფიკაციის, ტესტირების და შემოწმების მოთხოვნებს;
- ზედა დონის ესკაა სისტემის მოწყობისა და ადმინისტრირების მოთხოვნებს;
- ესკაას სისტემის მოწყობისა და ადმინისტრირების მოთხოვნებს.
