220 კვ. ეგხ-ის „სათაფლია-1,2“ გაორჯაჭვიანების პროექტი

220 კვ. ეგხ „სათაფლია“-ს გაორჯაჭვიანება/რეაბილიტაციის პროექტი განხორციელდა საქართველოს მთავრობასთან 2015 წლის 26 მარტის სხდომაზე შეთანხმებული და საქართველოს ენერგეტიკის მინისტრის 2015 წლის 8 აპრილის #39 ბრძანებით დამტკიცებული „გადამცემი ქსელის განვითარების ათწლიანი გეგმის” ფარგლებში.

მიღებული ტექნიკური გადაწყვეტილების საფუძველზე, ქვესადგურ „წყალტუბო-220"-სა და ქვესადგურ „ქუთაისი-220“-ს შორის კავშირი განხორციელდა 220 კვ. ეგხ „სათაფლია“-ს ახალი გაორჯაჭვიანებული უბნისა და 220 კვ. ეგხ „დერჩი-სათაფლიას“ არსებული №53 საყრდენიდან ქვესადგურ „წყალტუბო“-მდე ორჯაჭვიანი უბნის მეშვეობით (მთლიანობაში იწოდება ეგხ. „სათაფლია-1,2“), ხოლო ამ მონაკვეთების სანაცვლოდ აშენდა 220 კვ. ეგხ „დერჩი“-ს ახალი მონაკვეთი.

220 კვ. ეგხ„სათაფლია“-ს ერთჯაჭვიან საჰაერო ხაზზე სარეაბილიტაციო პროექტი ორჯაჭვიანი „დერჩი-სათაფლია“-ს არსებული №53 საყრდენიდან „ქუთაისი 220“-ის ქვესადგურამდე განხორციელდა სს „საქართველოს სახელმწიფო ელექტროსისტემის“ პროექტების დეპარტამენტის ელექტროგადამცემი ხაზების პროექტების განყოფილების მიერ.

პროექტის დეტალები:

პროექტში გამოყენებული სადენის მარკა: AC- 400/51;
პროექტში გამოყენებული მეხდამცავი გვარლის ტიპი: C-70
ეგხ. „დერჩი-სათაფლია“-ს №51 არსებული ორჯაჭვიანი საყრდენსა და ქვესადგურ „ქუთაისი 220“-ს შორის დამოტაჟდა საპროექტო სადენი AC-400/51, შესაბამისი სახაზო არმატურითა და ახალი მინის იზოლატორებით. სულ: 13,745 კმ - ტრასის სიგრძეზე;
სამონტაჟო ლითონის საყრდენების რაოდენობა - 45 ერთეული;
გამოყენებული ოპტიკურ-ბოჭკოვანი სადენის ტიპი SMF 24G-652D.