2024-07-16
„საქართველოს სახელმწიფო ელექტროსისტემის“ მენეჯმენტმა გურიაში მიმდინარე სამუშაოები დაათვალიერა
„საქართველოს სახელმწიფო ელექტროსისტემის“ გენერალური დირექტორი გიორგი გიგინეიშვილი და პირველი მოადგილე ლაშა ხმიადაშვილი გურიის რეგიონს ესტუმრნენ და სსე-ის მასშტაბური ენერგეტიკული პროექტების მიმდინარეობის პროცესს გაეცნენ.
სსე-ის მენეჯმენტმა მოინახულა ახალი ქვესადგურის „ოზურგეთი 220“ და ელექტროგადამცემი ხაზის „ოზურგეთი-ზოტი“ სამშენებლო სამუშაოები.
„უმნიშვნელოვანესი პროექტია რეგიონისთვის. მისი დასრულების შემდეგ, გურიისა და აჭარის რეგიონებში ამაღლდება გადამცემი ინფრასტრუქტურის საიმედოობა, რაც გააძლიერებს საქართველოს გადამცემ ქსელს“, - აღნიშნა გიორგი გიგინეიშვილმა.
აღნიშნული ინფრასტრუქტურული პროექტები მიმდინარეობს ENIP პროგრამის ფარგლებში. ENIP წარმოადგენს საქართველოს ელექტროგადამცემი ინფრასტრუქტურის მასშტაბურ საინვესტიციო პროგრამას, რომელიც ხორციელდება ევროკავშირის, „საქართველოს სახელმწიფო ელექტროსისტემის“ და KfW-ს განვითარების ბანკის პარტნიორობით. პროგრამის ჯამური ინვესტიცია შეადგენს 270 მლნ ევროს, რომელიც მოიცავს გერმანიის ფედერაციული რესპუბლიკის დაფინანსებას KfW-ს მეშვეობით, EBRD-ის დაფინანსებას და „ევროკავშირის სამეზობლო საინვესტიციო პლატფორმის“ (EU NIP) მიერ გამოყოფილ 9,9 მლნ ევროს ოდენობის გრანტს, რომელიც KfW-ს მეშვეობით გაიცემა.
ენერგეტიკული ქსელის გაუმჯობესების პროგრამა (ENIP) თანადაფინანსებულია შემდეგი ორგანიზაციების მიერ:
