2024-05-26
საქართველოს დამოუკიდებლობის დღე
„საქართველოს სახელმწიფო ელექტროსისტემის" გენერალური დირექტორი გიორგი გიგინეიშვილი და სხვა ენერგეტიკული კომპანიების ხელმძღვანელები ქალაქ ახალციხეში გამართულ, საქართველოს დამოუკიდებლობის დღისადმი მიძღვნილ საზეიმო ღონისძიებას დაესწრნენ.
ენერგეტიკის სექტორმა მოქალაქეებს რაბათის ციხე-სიმაგრის ტერიტორიაზე მრავალფეროვანი ღონისძიებებით და ისტორიული გამოფენით უმასპინძლა. საქართველოს დამოუკიდებლობის დღის თემატიკაზე შექმნილ ინსტალაციებთან ერთად, საგამოფენო სივრცეში „რაც გვეამაყება და გვაერთიანებს" დამთვალიერებელებს შესაძლებლობა ჰქონდათ, გაცნობოდნენ ენერგეტიკის თემატიკაზე შექმნილ კონცეფციებს, სექტორში არსებულ მიღწევებს, სხვადასხვა საინტერესო პროექტის ვიზუალებს, აღწერილობას, ისტორიას და მიეღოთ დეტალური ინფორმაცია მათთვის საინტერესო საკითხებზე.
„საქართველოს სახელმწიფო ელექტროსისტემა" გილოცავთ საქართველოს დამოუკიდებლობის დღეს!
