2023-04-07
გიორგი გიგინეიშვილმა სსე-ის სტაჟიანი თანამშრომლები დააჯილდოვა
„საქართველოს სახელმწიფო ელექტროსისტემა“-ში კომპანიასა და ენერგეტიკის დარგში მუშაობის მრავალწლიანი სტაჟის მქონე 33 თანამშრომლის დაჯილდოების ღონისძიება გაიმართა.
სსე-ის გენერალურმა დირექტორმა გიორგი გიგინეიშვილმა მადლობა გადაუხადა მათ მრავალწლიანი შრომისთვის და იმ პროფესიონალიზმისთვის, რომლითაც ათეული წლების განმავლობაში ემსახურებოდნენ ქართულ ენერგეტიკას.
„საქართველოს სახელმწიფო ელექტროსისტემა“ მუდმივად ცდილობს, თანამშრომლებს შეუქმნას კომფორტული სამუშაო გარემო და დააფასოს მათი პროფესიონალიზმი და კვალიფიკაცია.
სსე-ში მრავალწლიანი სტაჟის მქონე თანამშრომლების დაჯილდოება ყოველწლიურად იმართება.
