2022-10-12
სსე სტუ-ს დასაქმების ფორუმზე
„საქართველოს სახელმწიფო ელექტროსისტემა“-მ საქართველოს ტექნიკური უნივერსიტეტის მიერ ორგანიზებულ დასაქმების ფორუმში მიიღო მონაწილეობა და სამსახურის მაძიებლებისთვის ვაკანსიები წარადგინა.
ფორუმის მიზანს სამსახურის მაძიებლების დამსაქმებლებთან დაკავშირება და დასაქმების ხელშეწყობა წარმოადგენდა.
სსე დასაქმების ფორუმში ყოველწლიურად მონაწილეობს. სამუშაოს მაძიებლებს წელსაც ჰქონდათ შესაძლებლობა, გაცნობოდნენ კომპანიაში არსებულ ვაკანსიებს, შეერჩიათ თავიანთი კომპეტენციის შესაბამისი პოზიციები, გასაუბრებოდნენ სსე-ის წარმომადგენლებს და დაეტოვებინათ თავიანთი მონაცემები.
„საქართველოს სახელმწიფო ელექტროსისტემა“ მაქსიმალურად უწყობს ხელს მომავალ და მოქმედ ენერგეტიკოსებს პროფესიულ განვითარებაში, ყოველთვის აქტიურად არის ჩართული მათ პროფესიულ გადამზადებაში და საშუალებას აძლევს მიიღონ სრულფასოვანი ცოდნა და დასაქმდნენ კომპანიაში.
