2021-09-21
„საქართველოს სახელმწიფო ელექტროსისტემის“ მრავალშვილიან თანამშრომლებს „ბიბლუსის“ ბარათები გადაეცათ
ახალი სასწავლო წლის დაწყებასთან დაკავშირებით, „საქართველოს სახელმწიფო ელექტროსისტემის“ გენერალურმა დირექტორმა უჩა უჩანეიშვილმა სსე-ის მრავალშვილიან თანამშრომლებს „ბიბლუსი“-ს სასაჩუქრე ბარათები გადასცა.
„მიხარია, რომ მრავალშვილიან თანამშრომელთა რიცხვი კომპანიაში წლიდან წლამდე იზრდება. ახალი თაობა ხომ ამ ქვეყნის ხვალინდელი დღეა, ისინი ჩვენზე ბევრად უკეთესები, წარმატებულები და განათლებულები უნდა იყვნენ! პანდემიის გამო, ჩვენს ქვეყანაში სიკვდილიანობის მაჩვენებელმა ბევრად გადააჭარბა ახალშობილთა რიცხვს, ამიტომ დიდი გმირობა და პასუხისმგებლობაა, ამ ურთულეს დროში გერქვას მრავალშვილიანი მშობელი. მინდა, გისურვოთ სიხარული და წარმატება თქვენს შვილებთან ერთად!“- განაცხადა უჩა უჩანეიშვილმა.
„საქართველოს სახელმწიფო ელექტროსისტემა" მსგავს აქტივობებს მომავალშიც გააგრძელებს. სსე-ის 37 მრავალშვილიანი თანამშრომელი ჰყავს და ვიმედოვნებთ, რომ მათი რიცხვი ჩვენს კომპანიაში კიდევ უფრო გაიზრდება.
