2020-09-10
10 სექტემბერი ენერგეტიკოსთა პროფესიული დღეა
დღეს ენერგეტიკოსთა დღეა!
ეკონომიკისა და მდგრადი განვითარების მინისტრმა ნათია თურნავამ, „საქართველოს სახელმწიფო ელექტროსისტემისა“ და სხვა ენერგეტიკული კომპანიების ხელმძღვანელებმა ქართველ ენერგეტიკოსებს პროფესიული დღე გარდაბნის თბოსადგურში მიულოცეს.
სსე-ის მმართველთა საბჭოს თავმჯდომარემ უჩა უჩანეიშვილმა დარგში ხანგრძლივი, ნაყოფიერი მოღვაწეობისა და ელექტროენერგეტიკის განვითარებაში შეტანილი მნიშვნელოვანი წვლილისთვის დააჯილდოვა „საქართველოს საერთაშორისო ენერგეტიკული კორპორაციის“ გენერალური დირექტორის მრჩეველი ვაჟა მეტრეველი და საქართველოს ტექნიკური უნივერსიტეტის პროფესორ-აკადემიკოსი გია არაბიძე.
ენერგეტიკოსთა დღის აღსანიშნავ ღონისძიებაზე ასევე დაჯილდოვდნენ სსე-ის თანამშრომლები. ვლადიმერ მოციქულაშვილს, ნადიმ კვანტრიშვილს და გიორგი მოდებაძეს ელექტროენერგეტიკის დამსახურებული მუშაკის წოდება მიენიჭათ, ხოლო ეკონომიკისა და მდგრადი განვითარების სამინისტროს და დარგობრივი პროფკავშირის ერთობლივი საპატიო სიგელით დაჯილდოვდნენ: დარია ქარელი, კახაბერ ჯიქია, მიხეილ კირვალიძე და ვაჟა გუსარიშვილი.
ვულოცავთ ყველა ენერგეტიკოსს პროფესიულ დღეს, ბედნიერებას, ჯანმრთელობას და პროფესიულ წარმატებებს ვუსურვებთ!
