500 კვ. ეგხ ,,ჯვარი-წყალტუბო"-ს მშენებლობა და 220 კვ. ,,წყალტუბო"-ს გაფართოება 500 კვ-იანი ფრთით

საქართველოს ქსელის განვითარებისთვის სტრატეგიული და მნიშვნელოვანი პროექტი 500 კვ ეგხ ,,ჯვარი-წყალტუბო”-ს მშენებლობა, ერთ-ერთი უმნიშვნელოვანესი ეგხ ,,იმერეთი 500"-ის დაზღვევას უზრუნველყოფს. აღნიშნული პროექტი ასევე გულისხმობს დასავლეთ საქართველოდან ახალი სიმძლავრეების უსაფრთხოდ გამოტანას (,,ენგურჰესის” ინტეგრაცია ჯვარის ქვესადგურში). პროექტი მოიცავს, როგორც 500 კვ ეგხ ,,ჯვარი-წყალტუბო”-ს მშენებლობას, ასევე არსებული ქ/ს ,,წყალტუბო”-ს გაფართოებას 500 კვ-იანი ფრთით. შემდგომში, არსებულ ,,წყალტუბო-220”-სა და ახალ ქვესადგურ ,,წყალტუბო-500”-ს შორის მოეწყობა კავშირი.

პროექტის დეტალები:

საერთაშორისო ტენდერში გამარჯვებულ კომპანიებთან ხელშეკრულებები გაფორმდა 2020 წლის 25 სექტემბერს;
ქვესადგური ,,წყალტუბო-500”-ის მშენებლობის პროექტს ახორციელებს თურქული კომპანია BEST-ი (Balikesir Elektromekanik Sanayi Tesisleri AS და BEST Elektrik Taahut ve Ticaret AS Consortium);
500 კვ ეგხ ,,ჯვარი-წყალტუბო”-ს მშენებლობის პროექტს ახორციელებს თურქული კომპანია Bozlar Yapi (Bozlar Yapi Enerji Muhendislik Taahut Bilisim Sanayi ve Ticaret Limit Sirketi);
ქვესადგური ,,წყალტუბო-500”-ისა და 500 კვ ეგხ ,,ჯვარი-წყალტუბო”-ს მშენებლობის პროექტების განხორციელებას ზედამხედველობას უწევს (ერთობლივი საწარმო/JV) Decon international GmbH (გერმანია), Consulectra Unternehmensberatung GmbH (გერმანია), AFRY Schweiz (შვეიცარია) და ქვე-კონსულტანტი Forma 2 (საქართველო).

პროექტის ვადები:

ქვესადგური ,,წყალტუბო-500”-ის პროექტზე მუშაობა დაიწყო 2020 წლის 17 ნოემბერს; დეტალური პროექტირება დასრულებულია და 2022 წლის 10 მაისს სსიპ ტექნიკური და სამშენებლო ზედამხედველობის სააგენტომ გასცა ქვესადგურის მშენებლობის ნებართვა. მოცემულ ეტაპზე, ქვესადგურის ტერიტორიაზე მიმდინარეობს სამშენებლო და სამონტაჟო სამუშაოები. პროექტი დასრულდება 2024 წლის ბოლომდე;
500 კვ ეგხ ,,ჯვარი-წყალტუბო”-ს პროექტზე მუშაობა დაიწყო 2021 წლის 5 იანვარს; მოცემულ ეტაპზე მიმდინარეობს განსახლებისა და სანებართვო პროცედურები. პროექტის დასრულების სავარაუდო ვადაა 2026 წელი.