220 კვ. ქვესადგურის „მარნეული“ გაფართოება 500 კვ. ფრთით

პროექტი გულისხმობდა ქვესადგურის „მარნეული-220“ გაფართოებას 500 კვ. ფრთით. პროექტის ფარგლებში, განხორციელდა 500 კვ-იანი ელექტროგადამცემი ხაზების: „ვარძია“, „ასურეთი“ და „გაჩიანი“ დაკავშირება ქ/ს-თან „მარნეული-500“, ხოლო 220 კვ. ეგხ-ით ქ/ს „მარნეული-500“ დაუკავშირდა ქ/ს „მარნეული-220-ს.

ქვესადგურში დამონტაჟდა უახლესი ტექნოლოგიებით აღჭურვილი მოწყობილობა, მართვისა და დაცვის სისტემები, ვიდეო-სათვალთვალო კამერები, განხორციელდა ქვესადგურის დისტანციური მართვა ცენტრალური სადისპეტჩეროდან და ქვესადგურის ინტეგრაცია გადამცემ ქსელთან. დამონტაჟდა 4 ერთეული 220 მვა ავტოტრანსფორმატორი და 180 მვარ რეგულირებადი რეაქტორი.

აღნიშნული პროექტის შედეგად, 660 მვა-ით გაიზარდა ქსელის დადგმული სიმძლავრე და აღმოსავლეთ საქართველოში არსებული თბოსადგურებიდან სიმძლავრის უსაფრთხოდ გამოტანის შესაძლებლობა. თბილისის ირგვლივ შეიქმნა ახალი, 500 კვ-იანი ენერგეტიკული კვანძი, რომელმაც კიდევ უფრო გააძლიერა დედაქალაქის და ქვემო ქართლის ელექტრომომარაგების საიმედოობა.

სამომავლოდ, დაგეგმილია სომხეთთან სისტემათაშორისო სატრანზიტო კავშირის დამყარება, რისთვისაც ქ/ს „მარნეული-500“-ში უკვე მოწყობილია 500 კვ-იანი უჯრედი. აღნიშნული პროექტი განახორციელა Balikesir Elektromekanik Sanayi Tesisleri A.S -ისა და BEST Elektrik Taahüt ve Ticaret A.S.-ის კონსორციუმმა (BEST/BETAS).

პროექტის დეტალები:

500 კვ-ის მხარეს მოეწყო ახალი, ორმაგი სალტეთა სისტემა;
დადგმული სიმძლავრე 660 მვა;
დამონტაჟდა ახალი, რეგულირებადი რეაქტორი 180 მვარ;
განხორციელდა 10 კვ. საკაბელო კავშირი ქ/ს „მარნეული-500“და ქ/ს „მარნეული- 220“-ს შორის;
ქ/ს „მარნეული-220“ და „მარნეული-500“ ერთმანეთს დაუკავშირდა ახალი 220 კვ-იანი ეგხ-ის საშუალებით;
სომხეთთან კავშირის განსახორციელებლად სრულად აღიჭურვა ახალი უჯრედი;
დაინერგა SCADA-ს ახალი, მართვის და დაცვის სისტემები;
ქვესადგურის სრული მართვა შესაძლებელია ცენტრალური სადისპეტჩეროდან და ქ/ს-დან „მარნეული-220“;
დაინერგა ვიდეო-მონიტორინგის სისტემა;
ქვესადგური არის დახურული ტიპის, დისტანციურად იმართება ქ/ს „მარნეული-220“-ის პერსონალის მიერ.

პროექტის ვადები: