500 კვ. ქვესადგურის „ქსანი“ რეაბილიტაცია

500 კვ. ქვესადგურის „ქსანი“-ს რეაბილიტაცია

პროექტის ეს კომპონენტი ითვალისწინებდა 500/220/110/10 კვ. ქვესადგურის „ქსანი“ რეაბილიტაციას. დღეის მდგომარეობით, ქ/ს „ქსანი-500”-ის რეაბილიტაცია დასრულებულია. პროექტის ფარგლებში, სრულად შეიცვალა 500/220/110 და 10 კვ-ის პირველადი და მეორადი მოწყობილობები, დაინერგა ახალი მართვისა და დაცვის სისტემები, მოეწყო ახალი შიდა მისასვლელი გზა, განახლდა სახაზო და სასისტემო პორტალები. ვინაიდან ქ/ს „ქსანი-500“ წარმოადგენს დედაქალაქის ძირითად ენერგომომმარაგებელს, ამასთანავე, ის ერთმანეთთან აკავშირებს დასავლეთ და აღმოსავლეთ საქართველოს ენერგოქსელს, რეაბილიტაციის პროექტი საკმაოდ რთულ პირობებში, ჩართულ ქვესადგურში მიმდინარეობდა. თუმცა, ძლიერი კოორდინაციისა და სსე-ს პერსონალის მაქსიმალური ჩართულობის ფონზე, ქ/ს „ქსანი-500“-ის რეაბილიტაცია უსაფრთხოების უმაღლესი სტანდარტების დაცვით შესრულდა.

ქ/ს „ქსანი-500“-ის რეაბილიტაციის პროექტის შედეგად, გაიზარდა სასისტემო გადაცემის მდგრადობა, განხორციელდა ქვესადგურის დისტანციური მართვა ცენტრალური სადისპეტჩერო ცენტრიდან, ქ/ს „ქსანი-500“ და ქ/ს „მარნეული-500“ ერთმანეთს ეგხ „ასურეთის“ საშუალებით დაუკავშირდა, რამაც კიდევ უფრო გაზარდა თბილისის ენერგომომარაგების საიმედოობა და შესაძლებელი გახადა რუსეთ-საქართველოს სატრანზიტო კავშირი, რითაც მკვეთრად გაიზარდა საქართველოს ენერგოსისტემის სატრანზიტო როლი სამხრეთ კავკასიის რეგიონში.

პროექტის დეტალები:

განხორციელდა 500/220/110/10 კვ. ფრთის სრული რეაბილიტაცია;
რეაბილიტაცია ჩაუტარდა სახაზო და სასისტემო პორტალებს;
დაინერგა SCADA-ს ახალი, მართვის და დაცვის სისტემები;
განხორციელდა შიდა მისასვლელი გზების რეაბილიტაცია;
ქ/ს „ქსანი-500“ და ქ/ს „მარნეული- 500“ ერთმანეთს დაუკავშირდა 500 კვ. ეგხ „ასურეთის“ საშუალებით.
მოეწყო ახალი სააკუმულატორო ოთახი;
განხორციელდა 10 კვ. დახურული გამანაწილებელი მოწყობილობის სრული რეაბილიტაცია, დაინერგა ახალი ტექნოლოგიები;
მოეწყო ახალი საკაბელო არხები და მეორადი წრედები;
დაინერგა ვიდეო მონიტორინგის სისტემა.

პროექტის ვადები: